Зачленете се во нашиот клуб на читатели и најновите текстови ќе ги добивате на вашата мејл адреса
Во сообраќајна несреќа помеѓу две возила, која се случила вчера изутрина на крстосницата од регионалниот пат Куманово-Свети Николе и локалните патишта за с.Грабеш и за с.Новосељане, повредени се три лица од кои едното се здобило со тешки телесни повреди.
СВР Куманово информира дека во сообраќајката учествувале патничко моторно возило „нисан“ со струмички регистарски ознаки, управувано од М.П.(49) од Струмица и патничко моторно возило „форд“ со кривопаланечки регистарски ознаки, управувано од М.П.(51) од с.Конопница.
По несреќата, возачот на возилото „форд“, М.П. и неговите сопатници Р.Т. и С.С. биле пренесени во Општата болница Куманово каде на Р.Т. му била констатирана тешка телесна повреда, додека М.П. и С.С. се здобиле со телесни повреди.
За настанот бил известен Јавен обвинител, а увид на местото на несреќата извршила екипа од СВР Куманово.
Зачленете се во нашиот клуб на читатели и најновите текстови ќе ги добивате на вашата мејл адреса
