Во Умин Дол се слави Свети Никола Летен

Утрово сечеа славски колач, и запалија свеќи за здравје и среќа во црквата Свети Никола Летен. Мештаните раскажуваат дека оваа слава кај нив има традиција од над 90 години. Се надеваат дека празникот ќе им донесе благосостојба и со божја помош на 21 септември планираат да ја осветат црквата, која со донации и самопридонес почнале да ја градат во 2002 година.

“За мене ова е благодет. За мене ова многу значи, за здравје, за среќа за се. Ова ми е прва година како сум кум. Оваа традиција е 90 години, не е од вчера. Нашето мото е љубов, почитување, слога. Гости денеска ќе има, ние сме подготвеник“ - вели Љубиша Митровски, кум.

Селото има 170 куќи, од кои 108 се постојано населени  и има повеќе од 300 жители.

“Сите куќи слават. Селска слава ни е. Градоначалникот ни даде ѕвоно за црквата, а другото сме давале кој колку има. Ние сме со мешано православно население, Македонци, Срби, има и Црногорци, но сите живееме како едно„- рече Милорад Поповиќ, од црковен одбор во Умин Дол.

Поповиќ вели дека селото се соочува со повеќе проблеми, како што е лоша инфраструктура, немање на водоводна и канализациона мрежа и се надеваат дека надлежните ќе им помгонат бидејќи селаните не планираат да го напуштат селото.