Водата во пречистителна станица е само обоена, не е токсична, кажа директорот Стојмановски

Директорот на ЈП „Водовод“ Оливер Стојмановски вели дека по извшениот увид и врз основа на добиените лабораториски резултати констирано е дека водата ги задоволува пропишаните параметри, и дека се работи само за обојување, но не и за зголемена токсичност на влезната канализациска вода во пречистителната станица. 

„Ваквата појава е резултата на несовесни граѓани или претпријатија, ние немаме никакво влијание за тоа што ќе дојде до станицата. Апелирам до граѓаните и особено индустриските капацитети, кои поседуваат интегрирана еколошка дозвола имаат обврска да ја обработат водата, која што ја користат во процесот, и оние остатоци од преработката, на пример како што е крв, млеко и вино, не треба да се испуштаат во канализационата мрежа, затоа што пречистителната станица не е проектирана за прочистување на ваквите појави“, кажа Стојмановски. 

Обоената вода во пречистителаната станица беше забележана завчера, по што се напрaвени вонредни инспекциски контроли и се работи на откривање на сторителот.