Зачленете се во нашиот клуб на читатели и најновите текстови ќе ги добивате на вашата мејл адреса
Во текот на изминатиот викенд во Куманово санкциониранo e едно лице поради возење под дејство на алкохол, односно по алкотестирање му биле измерени 2.18 промили. Друг возач, пак, е казнет поради неприлагодена брзина на движење од 103 км/ч во населено место.
Ова стои во извештајот на СВР Куманово , чии полициски службеници спроведоа акциска контрола за санкционирање на возачи кои не ги почитуваат сообраќајните прописи.
„На подрачјето на СВР Куманово санкционирани се вкупно 158 возачи,од кои 123 управувале возило со брзина поголема од пропишаната, 19 санкции за возачи кои управувале возило под дејство на алкохол, 14 за управување возило без возачка дозвола и 2 за нерегистрирано возило“соопштуваат од полицијата.
Сообраќајните контроли продолжуваат и во наредните денови. Повторно се упатува апел до граѓаните да ги почитуваат сообраќајните правила и прописи.
Зачленете се во нашиот клуб на читатели и најновите текстови ќе ги добивате на вашата мејл адреса
