×
  • Насловна
  • Вести
  • Регион
  • Македонија
  • Спорт

  • Видео

  • Колумни
  • Интервју

  • По допрен глас
  • Репортажи
  • Ретроспектива

  • Погранична хроника
  • Фото вест - Ваша пошта!

  • Дезинформации
  • ПРОВЕРКА НА ФАКТИ:КОВИД-19
  • Проверка на факти: реформи кон ЕУ

  • Контакт
  • Политика на приватност
  • Импресум
  • Маркетинг стратегија
  • Понуда за рекламирање

  • За 13,3 отсто се намалени кривичните дела на територијата на СВР Куманово, кажа Спасовски

    21.12.2022 13:39 | Оливера Пешевска

    Кривични дела извршени од јануари до ноември оваа година, на подрачјето на СВР Куманово е намалено за 13 отсто во споредба со истиот период лани. Оваа го кажа министерот за внатрешни работи Оливер Спасовски при денешната посета на СВР Куманово и Регионалниот центар Север.

    За 13,3 отсто се намалени кривичните дела на територијата на СВР Куманово, кажа Спасовски

    „Во истиот период во однос на активностите насочени кон спречување и откривање на недозволена трговија со дрога и оружје, СВР Куманово бележи зголемување во откривачкиот дел за 21.7 %. Позитивниот тренд во 11-те месеци годинава присутен е и во областа на безбедноста во сообраќајот. Само во месец ноември 2022 година споредбено со ноември 2021 бележиме намалување на вкупниот број на сообраќајни несреќи за 34,8%“, изјави Спасовски.

     

     

    На работната средба било разговарано и за справувањето со прекуграничниот криминал, кој бележи зголемување на откриени случаи за 22,2 %, за истиот период јануари - ноември 2021 и 2022 година.

     

    „Како резултат на добра поставеност постигнато е  зголемување во откривачката дејност на фалсификувани возила за 400%. Во делот на откривање на илегалната миграција годинава бележиме зголемување за 8,5 % на бројот на откриените илегални преминувања споредбено со 2021 година и зголемување на откривачката дејност за 15% за откриени случаи на криумчарење мигранти. Што се однесува за бесправна сеча и пустошење на шуми годинава имаме тренд на зголемување на откриената дрвна маса за 11%“, ги презентираше сумираните резултати министерот Спасовски.

     

    Сајбер заканите и сајбер нападите се неизбежна тема деновиве, посебно по пријавите за поставени бомби во училиштата во Куманово што ја вознемирија јавноста.          
     

    „Одржавме совет за координација на безбедносните служби и формиран е работен тим кој се состои од повеќе институции кој ќе работи во делот на спречување на сајбер нападите и давање на одговор во случај на сајбер закани. Во оперативниот тим се вклучени и Бирото за јавна безбедност, Агенцијата за национална безбедност, Агенцијата за разузнавање, АЕК и други.Т оа се најтешките кривични дела во делот на државната власт и хибридните закани кои доаѓаат сметаме дека се дел од испреплетување на геостратешките интереси токму на нашата територија, но свесни сме колку е важно да се градат капацитетите и човечки и материјално-технички на сите институции“, истакна министерот.

     

    На средбата министерот Спасовски беше информиран за безбедносната состојба на подрачјата на СВР Куманово и Регионалниот центар Север, состојбите со криминалитетот, како и активностите кои се преземаат, во насока на намалување на стапката на криминалитет, одржување на поволен јавен ред и мир, безбеден патен сообраќај и превенција, со единствена цел - подигнување на безбедноста и заштита на граѓаните.