Зачленете се во нашиот клуб на читатели и најновите текстови ќе ги добивате на вашата мејл адреса
Над пет пати повеќе е зголемена работата на Итната медицинска помош во Куманово, поради неподносливите високи температури во градот. До 16.30 часот, лекарите интервенирале во 37 случаи на повик, а имале и 8 прегледи на пациенти кои биле донесени кај нив во ординациите.
Главно се работело за хронично болни, но имало укажување на помош и на јавни места. До завршување на смената во 20 часот, лекарите велат дека ги чека уште доста работа.
Во 4 случаи интервениравме на јавни места, се работеше за граѓани кои престојувале подолго на сонце и каде што имало поголема концентрација на луѓе. Интервениравме пред Банката, пред Центарот за социјални работи и на уште други две места. Останатите интервенции се главно кај хронично болните -ни изјави дежурниот лекар во Итна помош.
Од таму велат дека во редовните денови имаат околу 10 интервенции. Затоа препорачуваат до граѓаните да не излегуваат од дома доколку немаат потреба, да внесуваат што повеќе течности, а хроничните болни да ја пијат пропишаната терапија.
Зачленете се во нашиот клуб на читатели и најновите текстови ќе ги добивате на вашата мејл адреса
