Зачленете се во нашиот клуб на читатели и најновите текстови ќе ги добивате на вашата мејл адреса
Членовите на новиот состав во Советот на Општина Куманово да добиваат понизок паушал предложи на денешната прес-конференција кандидатката за градоначалничка на коалицијата на ЛДП и ДОМ, Теодора Димитровска.
„Во нашата програма предвидуваме намалување на паушалот за советниците во Советот на Општина Куманово за 6.000 денари. Ова е исклучително значајна мерка се со цел поефикасно да се трошат парите на граѓаните и да се искористат за попродуктивни цели, наместо да одат во џебовите на советниците. Ако пресметаме само на месечно ниво заштедата ќе биде 3300 евра“, кажа Димитровска.
Прес конференцијата беше оддржана пред автобуска постојка кај трговскиот центар „Гарнизон“, како што кажа Димитровска, да се покажа дека локалната власт работи само пред избори, наместо во континуитет цели 4 години.
„Како што можете да видите овде нема табла каде што може да се види кога поминуваат градски и приградски населби. Во нашата програма предвидуваме поставување на дигитални табли со возен ред за автобуси и за такси места“, додаде Димитровска.
Таа најави вифи зони во градот и во јавниот превоз, како и дигитализација на општината заради подигање на квалитетот на услугите кон граѓаните.
„Општината ја носиме на отворено ја дигитализираме, ја правиме отчетна и транспарентна за граѓаните. Во нашата програма се предвидува еднаш месечно раководителите на секторите да се спуштат близу до граѓаните и своите канцеларии да ги отворат, за да ги слушнат граѓаните кои се нивните предлози што може да се поправи“, - заврши Димитровска.
Зачленете се во нашиот клуб на читатели и најновите текстови ќе ги добивате на вашата мејл адреса
