За девет месеци четири лица загинале во сообраќајни несреќи со трактор

„Истите бројки ги имавме и во првите девет месеци од 2021 година, а се повторуваат и годинава. Тракторите не можат да се движат кој знае колку брзо, но проблем е неисправноста на машините и возачките грешки. Затоа упатуваме апел за максимална внимателност при управување на трактори, затоа што грешките можат да бидат фатални“, рече помошникот министер за односи со јавност во МВР Тони Ангеловски.

Во период кога по сообраќајниците се движат поголем број на трактори и земјоделски машини Републичкиот совет за безбедност во сообрачајот (РСБСП) и МВР спроведуваат кампања под мотото „Безбедно возење на трактори и земјоделски машини“. 

Целта на кампањата е подигање на свеста за одговорно и рамноправно учество во сообраќајот на возачите на трактори и земјоделски машини.  

„Обрнете внимание на тракторите и земјоделските машини - и тие рамноправно учествуваат во сообраќајот, а возачите кои управуваат со трактор да возат технички исправни и означени трактори за да бидат видливи во сообраќајот. Безбедноста на прво место“, рече Гордана Кожуваровска, претседателката на РСБСП.