За една третина е зголемен бројот на пациенти во амбулантите на интерното одделение во Кумановската болница

„Најчесто се работи за пациенти кои имаат хронично опструктивно белодробно заболување, воспалителни промени на белите дробови, акутни бронхити и секако постојаниот зголемен број на пациенти со висок крвен притисок, пореметување на регулација на дијабет и останатите хронични болести. Пациентите кои доаѓаат кај нас се од сите возрасти, од најмладите на 20 годишна возраст па до 80 години. Причината за зголемениот број на пациенти е разликата во температурата и честите промени на временското влијание и загадување на воздухот поради користење на фосилни горива за греење“, вели д-р Томица Анчевски, специјалист по интерна медицина.

Тој препорачува граѓаните кои имаат проблеми со здравјето, повеќе да престојуваат во природа на чист воздух, редовно да ја земаат терапијата препишана од лекар и препарати за зајакнување на имунолошкиот систем.

На одделението за интерни болести во Општата болница во Куманово работат 12 специјалисти интернисти и уште тројца специјализанти, што според надлежните е доволено да одговорат на потребите на пациентите од регионот.