За основците од Вак’в школската година уште не е почната, немаат превоз до училиштето во Пчиња

Се работи за 5 ученика, едно прваче, две дечиња во четвртто одделение и по едно во шестто и осмо одделение, кои секојдневно патауваат на релација меѓу двете села. 

„Новата учебна за нашите деца ќе започне со неколку дена задоцнување, затоа што нема превоз. Од училиштето ни рекоа да почекаме додека го решат проблемот, па ќе ни се јават“, вели една родителка.

Директорката на ОУ „Браќа Миладиновци“, Јасмина Спасовска вели дека учениците останале без превоз затоа што е истечен договор со превозникот кој ја извршувал услугата во предходната учебна година.

„Договорот истече на 1 септември, денеска веќе работиме на склучување на нов. Очекуваме веќе од утре ситуацијата да се разреши и децата да тргнат на редовна настава“, изјави Спасовска.