Зачленете се во нашиот клуб на читатели и најновите текстови ќе ги добивате на вашата мејл адреса
На Градскиот плоштад Куманово, пред Центарот за култура, наредните два дена (петок и сабота), за првпат оваа година ќе се одржи фестивалот „Арт атак“.
Првата вечер ќе се одржува паралелно на две бини, едната ќе биде кај споменикот „Жена борец“, а втората пред Центарот за култура „Трајко Прокопиев“. Ќе настапат „Avelina“, „Оf dogs & walls“, Милан Тоскиќ и Дарио Циевски, „NBK X CANGE“, Подземен ефект“, „Фолтин“ и „Ки“.
Помладата популација заслужува да има ваква програма која може да биде и респектабилна и посетена од граѓаните,- рече Нино Величковски, директор на Фондацијата за култура и спорт.
Саботата е повеќе посветена на локалните диџеи: Дадо К и Мамли, Букаќа, Џарто и Игор Калц.
Во оваа прилика ги поканувам и повозрасните да се забавуваме сите заедно. Дадо К и Мамли ќе настапат први, а потоа Букача, Џарто и Игор Калц, - рече Марио Арангеловски од Фондацијата за култура и спорт.
На градскиот плоштад ќе биде поставена и изложба на фотографии од Наташа Величковска, а Тереза Лазарев ќе има свој танцов перформанс.
Фестивалот и двете вечери започнува во 20 часот, а ќе трае до 1 часот по полноќ. Поддржан е од локалната самоуправа и Министерството за култура, а е во рамки на програмата за одбележување 500 години од постоењето на градот.