Зачленете се во нашиот клуб на читатели и најновите текстови ќе ги добивате на вашата мејл адреса
Меѓународен сликарски конак „Грација 2023“ започнува од денеска и ќе трае во наредната недела. На сликарската колонија ќе учествуваат десетина уметници од Србија, Германија, Косово, Бугарија ,а почесен гостин ќе биде академик Васко Ташковски.
Уметнички раководител и координатор на настанот е кумановецот Мики Трендафиловски.
„Темата за творење е слободна, а техниката со која ќе се работи е акрил и масло на платно. Создадените дела ќе бидат изложени на биенална изложба, некаде во октомври. Планирано е изложбата да биде по повод празникот „11 Октомври“, изјави Трендафиловски.
На колонијата ќе учествуваат Никола Стојановиќ (Србија), Габриеле Шафарцик (Германија), Етхем Бајмак (Косово), Надежда Златкова (Бугарија) и готите од Македонија Драги Хаџи Николов, Лара Ташковска, Стојче и Еми Тоциновски, Александар Стефановски и младата Анастасија Недељковска,како млад талент.
Во наредните 7 дена уметниците ќе имаат можност за дружење, уметничко творење, а доколку временските услови дозволат ќе се организираат и дополнителни активности и прошетка на дел од локациите во близина на Куманово.
Домаќин и организатор на Меѓународниот сликарски конак „Грација 2023“ е сопственикот на ресторан „Грација“ Влајко Стојчевски.
Зачленете се во нашиот клуб на читатели и најновите текстови ќе ги добивате на вашата мејл адреса
