Зачленете се во нашиот клуб на читатели и најновите текстови ќе ги добивате на вашата мејл адреса
Во тек е реновирање и враќање на автентичниот изглед на зградата на некогашниот „Хотел Солун“, кој се наоѓа на ул. „Иво Лола Рибар“ или т.н. Нагорички сокак. Моментално се работи во внатрешноста на приземниот дел на зградата. Проектот е финансиран од страна на ЕУ, преку СБС програмата за меѓугранична соработка, кој го реализира Општина Куманово заедно со Општина Дупница, од Република Бугарија.
Целокупната сума која е издвоена за овој објект изнесува 220.000 евра, а предвидена е конзервација, реставрација, санација и адаптација на хотелот, како и опремување на просториите со мебел, во период од 6 месеци.
Градската куќа ќе се користи за повеќе намени. Во еден дел од просторот ќе се сместат невладини организации, а првиот кат ќе се користи и како туристички центар на Куманово. Конечната одлука ќе ја донесе Советот на Општина Куманово.
Првичните најави беа дека со работа ќе се започне минитата година, па се чекаше на изнаоѓање најдобра понуда од градежните фирми во ноември, за да конечно работите на терен започнат на почетокот од јануари, оваа година.
Куќата е во сопственост на Општина Куманово, а објектот е под заштита на државата како споменик од втора категорија.
(Д.Д.)
Зачленете се во нашиот клуб на читатели и најновите текстови ќе ги добивате на вашата мејл адреса
