Започнa реконструкцијата на училиштето „Христијан Карпош“

Според директорката Лидија Костиќ, реконструкцијата ќе опфати голем дел од училиштето, од подовите до кровот. Средствата се обезбедени преку проектот „Изградба и опремување на 145 училишни спортски сали и реконструкција на средни и основни училишта“.

„Вредноста на проектот ед 8.877.010 денари обезбедени од Министерството за образование и наука и општината, ќе се реконструира кровот на училиштето, санитарните јазли во крилото на одделенска настава, подовите во сите училници и замена на сите дотраени дрвени и алуминиумски прозорци во училниците, кои досега ни беа голем проблем“, изјави Костиќ.

Освен покривот и дел од внатрешноста на училиштето ќе биде поставена и термоизолациона фасада. Целоснота реконструкција се очекува да заврши до почетокот на школската година.

Основното училиште „Христијан Карпош“ е основано во 1959 година со Одлука на Собранието на Куманово и е едно од најголемите училишта во градот.