Затрупана опасната дупка на Градскиот кеј

„Имаше повеќе оштетувања на шеталиштето покрај реката, кои настанаа по обилните врнежи на дожд. Во изминатите неколку дена сите се затрупани со земја и сега нема опасност за граѓаните“, изјавија кратко од претпријатието.

Дупката беше со должина од 5-6 метри, широка околу метар ипол и длабока преку два метри, зафаќаше од работ кон средината самата пешачка пaтека покрај реката Кумановска и претставуваше голема опасност за пешаците и велосипедистите, особено ноќе, бидејќи местото не е осветлено. Таа се направила од ерозија на земјиштето под бекатон плочките по обилните дождови и постојано се шири. 

„При крајот на февруари, кога имаше поројни дождови надојде голема вода и ја поткопа земјата. Треба да ја поправат што побрзо за да не се случи некоја несреќа“, кажа спортски риболовец кој беше покрај реката. 

Градскиот кеј во Куманово е изграден пред 15-години, редовно се одржува зеленилото и патеките во централниот дел, додека пешачките патеки, каменот и плочите на коритото на повеќе места се оштетени и потребна е итна санација за да не пропаднат целосно.