Заврши реконструцијата на кровот на училиштата „Крсте“ и „Браќа“, останува уште да се средат таваните

Проектот е на Министерството за образование и наука и предвидува замена на стариот и дотраен кровен покривач со енергетски ефикасен покрив. Предвидена е и внатрешна замена на стари и дотраени материјали. 

Реконструкцијата чини близу 15 милиони денари или 250 илјади евара со вклучен данок на додадена вредност кои ги обезбеди Владата, а тендерот го доби фирмата „Ибро комерц“ од Липково. 

„Сега се работи на санација на таванските површини на вториот, последен кат од училиштето кој е најоштетен од протекувањата и влагата, иако мувла имаше и на пониските катови. Водата секогаш си наоѓа пат да помине. За време на распустот се заврши со молеро-фарбарските работи на првите 2 ката, останува да се заврши уште цоклата. Последниот најоштетен спрат очекуваме да се санира и дотера во наредните два месеци“, изјави Јасмина Спасовска, директор на „Браќа Миладиновци“.

Работата не е завршена, просторните капацитети се ограничени, па училиштата прибегнуваат на истата тактика од минатата учебна година.

 „Четири паралелки од 4-то одделение се во просториите на Гимназијата „Гоце Делчев“, исто како лани. Веќе имаме искуство, воспитно-образовниот процес не трпи и се трудиме, и ние и изведувачите што поскоро да се вратиме во рамките на нормално фунционирање на двете училишта - да си ги прибереме децата под наш кров“, објаснува Спасовска.

Проблемот со протекување на кровот се провлекува со години, но ескалираше на почетокот на минатата учебна година.

Во двете училишта „Крсте Мисирков“ и „Браќа Миладиновци“ запишани се над 2.500 ученици и тоа се најголемите основни училишта во градот.