Зачленете се во нашиот клуб на читатели и најновите текстови ќе ги добивате на вашата мејл адреса
Здружението „За наше Куманово“ денеска организира крводарителска акција во соработка со Институтот за транфузиона медицина од Скопје, по повод Светскиот ден на крводарителството,14 јуни.
Под мотото „Дарувај крв,спаси живот“, Здружението ја организира акцијата по вторпат за нивните членови, општинската администрација и граѓаните, со план да прерасне во традиција и да не се ограничува само на светскиот ден, туку да се реализира два до три пати годишно.
„Засега има одличен одѕив, за само час и половина повеќе од 20 луѓе имаат дарувано крв, се надеваме дека така и ќе продолжи. Сите заедно да помогнеме да спасиме човечки животи и да го покажеме ова на дело“, посочи Ненад Стојановски, еден од организаторите од Здружението.
Во првата крводарителска акција, организирана во декември, собрани се над 100 крвни едници. Со денешната динамика се очекува да се потврди успехот од претходната акција.
Зачленете се во нашиот клуб на читатели и најновите текстови ќе ги добивате на вашата мејл адреса
