×
  • Насловна
  • Вести
  • Регион
  • Македонија
  • Спорт

  • Видео

  • Колумни
  • Интервју

  • По допрен глас
  • Репортажи
  • Ретроспектива

  • Погранична хроника
  • Фото вест - Ваша пошта!

  • Дезинформации
  • ПРОВЕРКА НА ФАКТИ:КОВИД-19
  • Проверка на факти: реформи кон ЕУ

  • Контакт
  • Политика на приватност
  • Импресум
  • Маркетинг стратегија
  • Понуда за рекламирање

  • Жителите на Шупли Камен останaа без леб зашто на пекарите не им се исплати да го носат во селото, објави Левица

    20.03.2023 10:06 | Сузана Николиќ

    Лица со посебни потреби, стари и изнемоштени, пензионери и работници кои својот работен век го посветиле на земјоделието и производство на храна, од кумановското село Шупли Камен, веќе трета недела оставени се без леб, затоа што приватните пекари немале сметка да го носат во селото по намалување на цената на лебот , тврдат од партијата Левица, огранок Куманово.

    Жителите на Шупли Камен останaа без леб зашто на пекарите не им се исплати да го носат во селото, објави Левица

    „Во селото нема прехранбена продавница, па така единствениот начин на кој им е доставуван основниот прехранбен продукт, биле пекарите кои го носеле лебот три пати во неделата со комбе. По мерката на Владата за замрзнување на цената на лебот на приватните пекари не им се исплаќало да го доставуваат лебот, па така одлучиле да престанат со испорака, по што жителите се оставени без леб. Ваквиот третман на овие луѓе, како од централната, така и од локалната власт, е суров, под секое човечко достоинство и за најстрога осуда“, велат од партијата. 

    Тие бараат централната власт и градоначалникот на Куманово да најдат решение за проблемот. Истовремено ги повикаа  жителите од селата кои се соочуваат истиот проблем да пријават,  па ако проблемот да не биде решен активистите од огранокот ќе отпочнат со доставување на леб, додека да се најде решение.