×
  • Насловна
  • Вести
  • Регион
  • Македонија
  • Спорт

  • Видео

  • Колумни
  • Интервју

  • По допрен глас
  • Репортажи
  • Ретроспектива

  • Погранична хроника
  • Фото вест - Ваша пошта!

  • Дезинформации
  • ПРОВЕРКА НА ФАКТИ:КОВИД-19
  • Проверка на факти: реформи кон ЕУ

  • Контакт
  • Политика на приватност
  • Импресум
  • Маркетинг стратегија
  • Понуда за рекламирање

  • Направете сами: Домашен леден чај

    21.07.2021 08:35 | Сара Ѓорѓиоска

    За летните денови не постои подобро освежување од чаша леден чај – единственото нешто кое би го подобрило тоа искуство е можноста да го модификуваме омилениот напиток по наша желба. 

    Направете сами: Домашен леден чај

    Класичниот рецепт за леден чај се базира на филтер-кесичките чај, кои ви даваат потполна слобода да експериментирате со вкусовите и да го пронајдете совршениот микс за вас. Доколку повеќе ви се допаѓаат овошни вкусови, имате спектар на овошни чаеви од кои може да изберете, а наша препорака би бил чајот од боровница, кој одлично оди со некоја филтер-кесичка чај од камилица. Смирувачко дејство плус антиоксиданти = здраво и весело лето. Во другите наши сугестии, секако, ќе влезат и чајот од нане, мајчина душица, зелениот чај, чајот од лимон или за овошните ентузијасти, чајот од јагоди.
    Идеалниот размер за подготовка на ледениот чај би бил 6 филтер-кесички во 1.5 литри зовриена вода.
    Ќе ви бидат потребни:
    •    6 филтер-кесички чај по избор
    •    2 лажички шеќер
    •    2 лажички мед
    •    3 лимони, 2 исцедени и 1 исецкан
    •    1 излупен портокал
    •    свежо нане
    •    мраз 
    Подготовка:
    1.    Филтер-кесичките ги потопувате во 1.5 литри зовриена вода, на што го додавате шеќерот и медот. Мешате и ја оставате течноста 10 минути, по што цедите и ја префрлате во фрижидер.
    2.    Изладениот чај го ставате во бокал, во кој ги додавате парчињата лимон и лимоновиот сок, парчињата портокал и свежото нане. Мешате и остатокот од бокалот го полните со мраз.
    3.    Служите во високи, тенки чаши со многу мраз и уживате во денот и комплиментите кои ќе ги добиете за вашата здрава и освежителна алтернатива.