Новак Ѓоковиќ медитираше на „босанските пирамиди“ во Високо

Домаќин му е археологот Семир Османагиќ, кој со своите тврдења дека тука постојат древни пирамиди, го направи местото туристичка атракција. Но, многу познати научници ги негирале неговите тврдења, посочувајќи дека тоа е само обичен врв кој наликува на пирамида. Сепак, тој продолжува со промовирањето, и доведува голем број на познати личности кои најверојатно го делат истото мислење.

“Имам толку многу впечатоци... Ако постои рајот, тогаш тој е токму овде“ изјавил Ѓоковиќ.

Новак Ѓоковиќ посетата ја искористил за истражување на овој предел, но и за медитација со која наиде на многу негативни коментари и од своите поддржувачи но и од неутралните фановите на тенисот. Тие велат дека со неговиот начин на исхрана и медитирањето дава погрешна слика на најмладите.

(Фото. Фејсбук)

(Д.Д.)