24. 06. 2020 22:09

Мешање на топоними во изборни цели

Мешање на топоними во изборни цели

Пишува: Билјана Т. Димко

На порталот „Курир“ на 23.06. 2020 е објавен текст со наслов: „СРАМНО: Жителите на Средно Нерези извисени од Богоев и Весковски- наместо вода за нив, предизборно вода ќе добијат сосема други жители’’.

Во текстот наведува следното тврдење:

Откако речиси три дена за време на последниот викенд полициски час останаа без вода за пиење тие повторно останаа извисени од градоначалникот на општина Карпош Стефан Богоев и директорот на Водовод и канализација Душко Весковски.

Месната заедница на жителите им одговорила дека водоводнатa мрежа  е за жителите од  Горно  Нерези, а не за жителите од Средно Нерези.

Подолу во текстот се наведува:

Сепак жителите тврдат дека директорот и градоначалникот предизборно на сосема погрешно место ќе градат нова водоводна мрежа со што нивниот проблем нема да биде решен.

На 11.06.2020 на повеќе портали беше објавена веста дека почна изградбата на нова водоводна мрежа во Средно Нерези и оваа информација може исто да се прочита и на официјалната страница на Општина Карпош дека станува збор за Средно Нерези, каде стои изјавата на градоначаникот Богоев:

Водоводната мрежа опфаќа 14 краци и е со вкупна должина од 2.500 метри. Тука навистина постоеше потреба од дополнителна водоводна мрежа, со цел подобро водоснабдување за граѓаните од Нерези. Локалната самоуправа продолжува со одржување на постоечката инфраструктура, но и развој на нова сообраќајна, канализациона и водоводна мрежа во периферните делови. Развојот на периферијата е клучен за да се „ослободи“ урбаното јадро и да се развива Општината во сите аспекти.

Објавени се фотографии од првичната вест кога беше објавено дека започнала изградбата на новата водоводна мрежа, а изборите се користат како евентуална манипулација со жителите.

Но, сега е во тек кампањата за парламентарни избори, а конкретно проблемот со водоводната мрежа е надлежност на локалната самоуправа.

Сите коментари и забелешки поврзани со овој и другите написи на Вистиномер, барањата за корекции и појаснувања, како и предлозите за проверка на изјавите на политичарите и ветувањата на политичките партии, можете да ги доставите преку овој формулар

Овој напис е изработен во рамките на Проектот за зголемување на отчетноста и одговорноста на политичарите и партиите пред граѓаните, Вистиномер, имплементиран од Метаморфозис. Написот e овозможен со поддршка на американската непрофитна фондација (NED - National Endowment for Democracy). Содржината на рецензијата е одговорност на авторот и не ги одразува ставовите на Метаморфозис и National Endowment for Democracy или нивните партнери.