×
  • Насловна
  • Вести
  • Регион
  • Македонија
  • Спорт

  • Видео

  • Колумни
  • Интервју

  • По допрен глас
  • Репортажи
  • Ретроспектива

  • Погранична хроника
  • Фото вест - Ваша пошта!

  • Дезинформации
  • ПРОВЕРКА НА ФАКТИ:КОВИД-19
  • Проверка на факти: реформи кон ЕУ

  • Контакт
  • Политика на приватност
  • Импресум
  • Маркетинг стратегија
  • Понуда за рекламирање

  • Во наслов не смее да се коментира и навива

    25.06.2020 21:16 | KumanovoNews

    Пишува: Соња Рилковска

    Рецензираме вест објавена на порталот „Инфомакс“ на 24 јуни со наслов „(Видео) Типично: Лаги, пелтечење и страв, Лукаревска без одговори за проектите на СДСМ“.

    Во наслов не смее да се коментира и навива

    Во самиот наслов има вредносни судови кои содржат навивачки тонови кон опозицијата, со тенденциозни коментари. Прашањето кое  е упатено кон Сања Лукаревска, се однесува на патната инфраструктура, а Лукаревска е директорка на Управата за јавни приходи, позиција која е надвор од ресорот за кој што се однесува прашањето.

    Освен тоа, не е избалансирано известено за настапите на другите двајца соговорници, туку само се одбрал еден краток сегмент од видеото. Со зборот „типично“ се сугерира дека Лукаревска и нејзините сопартијци редовно изнесуваат лаги и невистини.

    Во самата вест нема ниту една реченица, доказ, факти или појаснување за обвинувањата и навредите изнесени во насловот. Веста не ги содржи стандардните елементи за една новинарска вест. Нема текст, неме воведен пасус, единствено над сегментот од емисијата пишува: „Што сработиле СДСМ во инфраструктура? Одговорот е во видеото.“

    Не е појаснето ниту во која емисија, ниту на која телевизија, ниту кога Лукаревска учествувала во дебата со Владимир Мисајловски. Постираното видео е од дебатната емисија „Отворено студио“ на ТВ 24, во која гостуваа Сања Лукаревска, Владо Мисајловски и Арбр Адеми, како кандидати за пратеници во втората Изборна единица.

    Во видеото поставено на порталот јасно се гледа дека нема пелтечење, ниту страв во текот на политичката дебата. Јавноста е таа што треба да суди кој политичар како се претставил во одредена дебата и тоа не врз основа на краток исечок, туку врз основа на целата дебата.

    Согласно Кодексот на новинарите известувањето од политичките процеси, посебно од изборите треба да биде непристрасно и избалансирано. Новинарот мора да обезбеди професионална дистанца од политичките субјекти.