Владата ќе воведе бесплатен државен интернет на јавни површини

„За реализација на оваа програма Владата утврди препорака за ЈП Национална радиодифузија - Скопје како носител на реализацијата на проектот обезбедување на бесплатен државен ви-фи на отворени јавни површини на локации од интерес за туристи од страна на телекомуникациски оператори до крајот на 2021 година во соработка со Министерството за информатичко општество и администрација, Агенцијата за промоција и поддршка на туризмот и локалните самоуправи да подготви и достави предлог Листа на локации за обезбедување бесплатен државен ви-фи за цела територија на државата, за добивање согласност од Владата, согласно Препораките за обезбедување бесплатен државен би-фи на отворени јавни површини“, соопштува Владата.

До крајот на април 2022 година, во соработка со Министерство за информатичко општество и администрација, Национална канцеларија за бродбенд компетентност и Агенцијата за електронски комуникации ќе одржат јавни состаноци со заинтересираните оператори и локалните самоуправи за реализацијата на обезбедувањето бесплатен безжичен ви-фи на одобрените локации од интерес за туристите.