Вакцинираните лица имаат 50 проценти помал ризик од долг ковид

Студија објавена во престижното медицинско списание „Лансет“ од септември 2021, покажува дека целосно вакцинираните луѓе имаат речиси 50 отсто помала веројатност да искусат симптоми на „долг ковид“, споредено со оние кои не биле вакцинирани. Најчестите симптоми на долгиот ковид се екстремен замор, недостиг на здив, чувство на болка и стегање на градите, проблеми со меморијата и концентрацијата, инсомнија, срцеви неправилни отчукувања, вртоглавици и слично. Во земјата веќе се работи со пациенти со долг ковид на Клиниката за пулмологија,  а лекувањето некогаш продолжува и во Институтот за рехабилитација Козле. Компликациите може да траат од шест месеци до една година по заздравувањето

Омикрон не е лага, туку потврдена варијанта на коронавирусот во 63 земји во светот

Наспроти невистините што ги шири оваа објава на Фејсбук, во Африка не само што има утврдено присуство на коронавирусот, туку од ковид-19, според податоците од СЗО,  досега заболеле 6. 564.819 милиони луѓе, а починале 153.808 лица. Официјалните податоци покажуваат дека процентот на вакцинирани во Африка е многу низок и изнесува 7,3 отсто и таму досега целосно се вакцинирани околу 101 милион луѓе. Новата варијанта на коронавирусот – омикрон, беше пријавена до СЗО на 24 ноември, а за првпат беше откриена кај примероците собрани на 11 ноември во Боцвана. Европскиот центар за превенција и контрола на болести објави дека до 11 декември, во Европа се пријавени вкупно 766 потврдени случаи на  омикрон

Фејсбук објава дезинформира дека со тестовите се краде ДНК

Тестирањето е всушност земање на брис подлабоко од грло и нос со стапче со памучен врв, трае неколку секунди и е безбедно, како и секое друго земање брис коешто сите ние сме го правеле многупати досега за разни други бактерии и вируси. Примерокот потоа се тестира во лабораторија за да се види дали е присутен генетски материјал, наречен РНК, од вирусот. Нема докази дека овој тест некогаш се користи за да се идентификува ДНК на некое лице

Вакцините против ковид не може да ве заразат од ковид

Фактите говорат дека ниедна авторизирана вакцина против ковид-19  не содржи жив вирус кој предизвикува ковид-19.  Така што вакцината не може да ве зарази со ковид-19. Симптомите кои се јавуваат после вакцинација се краткотрајни и се доказ за градењето на имунолошки одговор, а имунитетот не се создава инстантно, туку во период за неколку недели после втората доза. Во тој меѓупериод е можно да се заразите со ковид-19, но од самиот вирус кој би предизвикал инфекција, а не од вакцината

Сè уште не се знае колку штитат вакцините од новиот сој на коронавирусот

Наспроти тврдењата во постот, сè уште нема официјални податоци колку постоечките вакцини штитат од омикрон варијантата. Тоа го потврдија и СЗО и ЦДЦ, нагласувајќи дека се вршат анализи за овој сој на коронавирусот. Првичните сознанија за оваа варијанта се дека иако вирусот има голема преносливост, сепак, заразените имаат полесни симптоми

Децата најголеми преносители, но најлесно се справија со коронавирусот

Во охридскиот регион имаше голем број заболени деца со коронавирусот, но без сериозни компликации. Немаше деца на распиратор, кислородна поддршка, болничко лекување. Децата се најголеми преносители, но најлесно го поминуваат вирусот. Во моментот има мал број заболени деца со ковид, но има деца со полесни постковид психолошки проблеми, велат педијатрите 

Празници се ближат: Како да ги поминеме безбедно и заштитени од ковид-19?

СЗО Европа има подготвено документ за интернационално патување во контекст на ковид -19. За празниците може да се патува, но носете маски, обезбедете си вакцинален сертификат и проверете ги барањата на земјата во којашто патувате, зашто тие се различни во секоја земја. Во моментот, според документот на СЗО, 50 земји од европскиот регион користат вакцинален сертификат како барање за интернационално патување. Триесет држави имаат и дополнителни мерки поврзани со патувањата, барања за тестирање, како и карантин за некои патници кои доаѓаат од странство. Како дополнение на овие мерки, земјите на аеродромите понекогаш бараат ПЦР тест или рапид тест, а само неколку признаваат серолошки тест. Центарот за контрола и превенција на болести во САД, објави препораки за тоа како да се заштитат граѓаните и на безбеден начин да ги прослават празниците, при што се советува што е можно поскоро да се прими вакцина против ковид-19

Вакцинацијата во Струмица со намален интензитет за прва доза, но расте интересот за трета

По затворањето на регионалниот вакцинален пункот во спортската сала на ООУ ,,Никола Карев’’, имунизацијата во Струмица се одвива на Одделот за спортска медицина. За разлика од летните месеци кога интересот за вакцинација беше голем за прва доза, сега  расте интересот за трета доза. Најмногу се вакцинираат повозрасните лица, а има доволни количини на вакцини до крајот на годината

Не е вистина дека починале 3 отсто од вакцинираните со „Фајзер“

Во текстот што се споделува на Фејсбук погрешно се чита Извештајот на „Фајзер“ за пријавени несакани реакции од вакцините аплицирани до 28 февруари 2021 година. Во Извештајот не се наведува колку вкупно вакцини се аплицирани, туку бројката од 42.086 случаи е само за пријавени негативни ефекти. Во документот се посочува дека „Фајзер“ идентификувал 42.086 извештаи за случаи на несакани настани по вакцинацијата, собрани од извештаи испратени до самиот „Фајзер“ и од националните здравствени власти ширум светот (не само во САД). Од нив, регистрирана била смрт кај 1.223 случаи. Но, ова не значи дека овие луѓе, кои примиле вакцина на „Фајзер“, починале поради вакцинацијата, како што се тврди. Ова, исто така, не значи дека од аплицирани 42.086 вакцини, починале 1.223 лица, туку дека од пријавени 42.086 несакани ефекти, 1.223 биле случаи со смртен исход

Кај нас целосно вакцинирани само 5.500 малолетници, во светот се вакцинираат и тригодишни деца

Вакцинацијата на малолетници на возраст од 12 до 17 години во државата започна да се применува на 19 јули оваа година. „Фајзер“ е единствената вакцина која е дозволена за имунизација на оваа возрасна група, се аплицира на доброволна основа со согласност на родителите. Министерството за здравство засега не планира да воведе вакцинација и кај деца помали од 12 години, како што тоа го направија повеќе земји во светот. Според податоците на Европскиот центар за превенција и контрола на болести, заклучно со 10 декември 2021 година, во европските земји целосно се вакцинирале вкупно 16,5 отсто од младите луѓе под 18 години. Во јуни годинава Кина ги одобри за итна употреба вакцините „Синовак“ и „Синофарм“ за деца и млади на возраст од 3 до 17 години, со што стана првата земја во светот која дозволи вакцинација против ковид-19 за мали деца

Не е точно дека за операција во Градска болница – Скопје се бара трета доза вакцина

Рецензираме пост на Фејсбук во кој се тврди дека човек со гангрена на стапалото, со две примени дози бил одбиен за операција во Градска болница – Скопје, зашто не примил трета бустер доза. Ова тврдење е невистинито

Човекот на ова видео починал по откажување на бубрезите, а не пет минути после вакцинација

Точно е дека пациентот починал пред болницата во Мексико Сити, точно е дека медицинска грижа не му била пружена веднаш, а вратата на болницата била затворена, но не е точно дека ова се случило ,,пет минути после вакцинација”. Сите релевантни извештаи од мексиканските медиуми споменуваат дека причината за смртта на мажот е откажување на бубрезите

Вакцинираните не го пренесуваат вирусот повеќе од невакцинираните

Вакцинираните можат да заболат или да го пренесат коронавирусот, но тие не се главни преносители на болеста, како што тврди оваа објава на Фејсбук. Постот се повикува на видео изјава на претседателот на СЗО, Тедрос Аданом Гебрејсус, којашто е извадена од контекст. Во видеопорака објавена на 24 ноември 2021 година на Твитер, претседателот Гебрејсус укажува дека вакцините спасуваат животи, но и дека не ја спречуваат целосно трансмисијата на вирусот, заради што апелира и понатаму да се почитуваат здравствените протоколи и превентивни мерки за заштита. Но, тој ниту во еден момент не тврди дека вакцините не штитат и дека вакцинираните се главни трансмитери на заразата  

Германскиот хемичар не бил убиен, бидејќи „ја зборувал вистината за вакцините“, туку починал од срцев удар

Германскиот хемичар Андреас Ноак не открил дека во вакцините има графен оксид, затоа што вакцините не содржат такво соединение, а тоа го потврдуваат многу светски медицински експерти, за што „Вистиномер“ досега има пишувано во неколку наврати. Докторот не бил убиен од страна на полицијата затоа што „ја зборувал вистината за вакцините“, туку починал како последица на срцев удар. На 29 ноември 2021 година, неговата девојка Ана објави видео во кое појасни дека Ноак не бил нападнат, туку починал од срцев удар во болница

Неточно е дека сите кои примиле вакцина на „Фајзер“ завршуваат со миокардитис

Постот е типична дезинформација, која има цел да ги наведе корисниците на социјалната мрежа да помислат дека секој што примил вакцина на „Фајзер“, завршува фатално, откако добил воспаление на срцевиот мускул. Што не е точно. Факт е дека неколку месеци од употребата на вакцината на „Фајзер“, во Европската агенција за лекови (ЕМА) беа пријавени мал број случаи на благи воспаленија на срцевиот мускул (миокардитис) и на срцевата обвивка (перикардитис). Во Македонија според Агенцијата за лекови МАЛМЕД, нема пријавени вакви случаи

Инспекторите не се Гeстапо, ниту, пак, медиумите форсираат присилна вакцинација

Во видеото се изнесува дезинформација дека невакцинираните, ако бидат затекнати во угостителски објект од инспекторите, ќе платат високи казни до 5.000 евра. Висината на пропишаната глоба  за гостинот без потврда за вакцина е 250 евра во денарска противредност. Говорникот на протестот изразува соменвање во законитоста на постапувањето на инспекторите при контрола на примената на мерките за заштита против ковид-19. Уредбата на Владата, со која се пропишуваат овие мерки и потоа е дополнувана со одлуки, има законска сила. Тоа го потврдува Уставниот суд на РС Македонија, со Решение од 10.11.2021 година