Се отстрануваат столбовите на велосипедската патека во Тетово

25.11.2021 09:36 | KumanovoNews | Преземено од: vistinomer.mk

Ветување: Отстранување на (сигнализација) столбови за велосипедска патека

[Извор:Официјална Фејсбук страница на Општина Тетово (точка број 7), датум: ноември 2021]

Се отстрануваат столбовите на велосипедската патека во Тетово Фото: Вистиномер

ОБРАЗЛОЖЕНИЕ:

Градоначалниот на Општина Тетово, Биљал Касами во програмата „100 дена Општина Тетово“, која ја објави во јавноста на 16 ноември на прес-конференција, но и на официјалната Фејсбук страница на Општина Тетово, вети дека ќе ги острани столбовите долж булеварот „Илинденска“, со кои е обележана велосипедската патека. Реализацијата на ова негово ветување е во тек.

На 17 ноември екипи на терен започнаа да ги острануваат столбчињата, а Касами пред медиумите изјави: 

Во 100-дневниот план што го презентиравме пред пошироката јавност, е и отстранувањето на стоплчињата на велосипедската патека, бидејќи тие се поставени спротивно на законот. За отстранувањето на столбчињата имаше донесено и решение од судот дека се незаконски, а ние тоа решение треба да го спроведеме.

Фото: Вистиномер

Столбчињата долж булеварот „Илинденска“ во Тетово беа поставени во април годинава. Тие го одвојуваа коловозот каде на едната страна се движеа возилата, а мал дел од десната страна од сообраќајницата ја користеа велосипедистите. 

Фото: Вистиномер

За неа имаше реакции на социјалните мрежи дека е небезбедна, тесна, на некои места и не е проодна затоа што имаше поставено контејнери, а често патеката ја имаа узурпирано и паркирани возила.

Велосипедска патека (април 2021) Фото: Вистиномер

Со оглед на тоа што деновиве се работи на терен и столпчињата на оваа патека се острануваат, ова ветување на градоначалникот Касами има оценка „во тек“.

 

ИЗВОРИ:

 

Оцени: Зоран Димовски

 

 


Овој напис е изработен во рамките проектот Проверка на фактите за напредокот на Северна Македонија кон ЕУ, имплементиран од Фондацијата Метаморфозис. Написот, кој е првично објавен во Вистиномер, e овозможен со поддршка на американската непрофитна фондација NED (National Endowment for Democracy). Содржината на написот е одговорност на авторот и не секогаш ги одразува ставовите на Метаморфозис, НЕД или нивните партнери.

 

 

 

Сите коментари и забелешки поврзани со овој и другите написи на Вистиномер, барањата за корекции и појаснувања, како и предлозите за проверка на изјавите на политичарите и ветувањата на политичките партии, можете да ги доставите преку овој формулар

2008 - 2021 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk