Арсенал прв финалист во Карлинг-купот

Арсенал очекувано ја надомести негативата во дуелот со Ипсвич од пред две недели од „Портман роуд“, па на „Емирати“ со 3-0 им овозможија славје на своите навивачи. Арсенал од сасмиот старт тргна во напад, но гостите одолеваа цело полувреме на нападите.

Никлас Бентнер во 61 минута ја неутрализираше негативата, а само три минути подоцна дефанзивецот Лоран Коншелни со глава го матираше гостинскиот голман за да го дуплира водството. Точка стави капитенот и лидер на тимот Цеск Фабрегас со гол по контрата со Андреј Аршавин, по што и гол во мрежата на Арсенал не им беше доволен на фудбалерите на Ипсвич во завршните 13 минути по примениот трет гол.

Ипсвич не беше без шанси, двапати ја погодувапе пречката, а веројатно поинаква приказна ќе беше ако Меколи во 11 минута ја погодеше мрежата на „топчиите“. Вториот пат Норис истото го повтори во 82 минута, но Арсенал тогаш имаше комотни 3-0.Арсенал за првиот трофеј ќе се бори со победникот од второто полуфинале Бирмингем – Вест Хем, во кое „чеканите“ од Лондон одат на гостувањето со предноста од домашен терен со 2-1. Финалето традиционално се игра на „Вембли“. (кирилица)