Фени Индустри во петок гостува во Куманово

Ова е трет натпревар на овие две екипи а победа веројатно би значело и предност на домашен терен во евентуланото понатамошно разигрување. Страшо Тодоровиќ дебитираше оваа сезона токму против Фени кога ја забележа и првата победа. Куманово со шест победи по ред во лигата е фаворит на мечот, но искусниот тим на Фени не смее да се потцени.

Мислам дека сме фаворити пред натпреварот дека на домашен терен сите знаеме како игра Куманово ова е еден од тие натпревари што зависи од нас самитекако ќе влеземе во натпреварот така ќе биде и крајниот исход. Тубак е огромен играч не е само висок туку е и конкурентен нормално е да прави проблем во рекетот таквите луѓе треба да се спречат да влезат во рекетот ако влезат или е кош или е фаул. Враговиќ е добар играч кој има искуство и во АБА лигата и мислам дека е најдобриот играч во Фени и наш скаутинг е да се спречи неговиот шут за 3 и 2 поена - изјави Александар Костовски, плејмејкер на КК Куманово.

Тренерот Страшо Тодоровиќ се надева на нова седма победа по ред во првенството и одлепување од Фени со три бода на табелата.

Идеме чекор по чекор, шест чекори истрчавме седмиот се надевам дека со помош на домашната публика и Кумани ќе го истрчиме и седмиот чекор и да извојуваме една победа. Фени ни одговара има добри играчи што македосски што странци мислам дека со добра одбрана и културно навивање ќе ги добиеме, - вели Страшо Тодоровиќ тренер на КК Куманово.

Натпреварот се игра во петок во 19 часот во Спортската сала во Куманово.