Зачленете се во нашиот клуб на читатели и најновите текстови ќе ги добивате на вашата мејл адреса
Кошаркарите на КК Куманово започнаа со подготовките за пролетниот дел од сезоната. Со 18 играчи меѓу кои и нови три засилувања со кои е потпишан договор, тренерот Димитријевиќ е спремен кон освојување на пласман во Прва лига-мажи.
Од одиграни 15 кола во првиот дел од првенството КК Куманово 2009 е на првото место на табелата со вкупно 12 победи и 3 порази.
Со овој фонд на играчи и со помош на стопанствениците од градот ќе успееме во остварувањето на целта зацртана за оваа година а тоа е освојување на едно од првите две мест во Втората лига што автоматски значи и пласман во Прва лига - рече претседателот на клубот Александар Владевски.
Тие ја сметаат оваа година за доста успешна бидејќи се први на табелата по 15 одиграни кола, а исто така имаа и организирано турнир во кошарка по повод 11-ти Ноември, Денот на ослободување на Куманово.
На овој турнир учествуваа 4 екипи од Р. Македонија на кој Куманово го освои второто место веднаш зад екипата на Вардар 2000.
Кошаркарите се надеваат дека ќе добијат поголема финансиска помош од љубителите на спортот и ќе се потрудат заедно да ја вратат кошарката во Куманово на местото кое го заслужува.
И.И.