Зачленете се во нашиот клуб на читатели и најновите текстови ќе ги добивате на вашата мејл адреса
Кошаркарите на Куманово го забележаа првиот пораз од двомечот што треба да се одигра во четврт-финалето на Купот на Македонија. Актуелниот шампион и бранител на Купот Фени Индустри беше пресилен за кумановчани кои го забележаа првиот пораз во првиот натпревар оваа година.
Неизвесност на натпреварот имаше само првата четвртина кога резултатот беше тесен, а во продолжението на натпреварот Фени воспостави водство кое го зголемуваше до крајот на натпреварот. Куманово доби противник кој многу тешко можеше да го победи, но сепак тоа не е оправдување за слабите игри кои ги прикажаа дел од изабраниците на Димитријевиќ. Во Куманово, најефикасен на натпреварот беше Дарко Станимировиќ со 18 поени и Вукотиќ со 17. Во споредба со предходните натпревари слабо изиграа Микиќ со 10 поена, Дарко Матиќ со 4.
Кај Фени најефикасен беше Војдан Стојановски со 18 поена и Диме Тасовски со 15 поени.
Следниот натпревар се игра за 2 дена во Кавадарци.
Без разлика на бледите партии во Куп натпреварите, кумановчани се концентрираат на доигрување на првиот дел од првенството и освојување на најмалку шестата позиција на табелата. На 29. јануари во Спортската сала во Куманово се игра против Пелистер од Битола кој е последен на табелата. Со добри резултати во натпреварите до крајот на првенството, и опоравувањето на Ратко Петриќ целта за кумановчани е и реално остварлива.
Зачленете се во нашиот клуб на читатели и најновите текстови ќе ги добивате на вашата мејл адреса
