Зачленете се во нашиот клуб на читатели и најновите текстови ќе ги добивате на вашата мејл адреса
Јасно беше дека Лејкерси се немоќни без Коби Брајант, Сан Антонио им ги скрати маките и славеше со 103:82 за чисти 4-0. Тони Паркер со 23 поени ги водеше Спарси до триумф, а Тим Данкан реализира 11 коша и шест скока.
Ова е прв пат по шест години Лејкерси да се елиминирани на стартот од плејофот.
Пау Гасол уфрли 16 коша, а Двајт Хауард даде седум поени пред да биде исклучен во третата четвртина заради кавга со судиите. Останува да се види дали „Супермен“ по неуспешната сезона ќе остане во Лејкерси.
На Сан Антонио им се приклучи и Мајами, кој ги преслуша Бакси и во четвртиот натпревар со 88:77.
Леброн Џејмс постигна 30, а Реј Ален придодаде 16 поени против својот поранешен тим. Тренерот Сполстра го одмораше Двејн Вејд кој имаше болки во коленото. Хит сега ќе одмораат и ќе го чекаат победникот од дуелот меѓу Булси и Нетси.
Стивен Кари игра фантастична сезона и повторно беше најзаслужен за победата на Голден Стејт над Денвер од 115:101. Најдобриот тројкаш во лигата уфрли 22 поени во третиот период од вкупно 31 на мечот за победа и водство на Вориорси од 3-1.
Во поразениот тим Тај Лосон забележа 26 коша.
Бостон остана во игра, откако намали на 1-3 во серијата против Никси, славејќи во продолжение со 97:90. Селтикси имаа предност од дваесетина поени, гостите се вратија во мечот изборија продолжение, но пресуди искуството на Џејсон Тери и Пол Пирс. Пирс мечот го заврши со 29 поени, Џеф Грин даде 26, а Тери беше стрелец на 18 коша.
Кармело Ентони реализира 36 поени, но со слаб шут од поле 10/35. Серијата се сели во Њујорк во среда.
Голден Стејт - Денвер 115:101 (3:1)
Лејкерси - Сан Антонио 82:103 (0:4)
Милвоки - Мајами 77:88 (0:4)
Бостон - Њујорк 97:90 прод. (1:3)
Зачленете се во нашиот клуб на читатели и најновите текстови ќе ги добивате на вашата мејл адреса
