Младите кошаркарки од КК Крива Паланка со една победа и еден пораз против ЖКК Арена Тим од Штип

Во дуелот од М-14 генерација кривопаланчанки имаа предност од десет поени во првите три минути од мечот и предноста успеаја да ја сочуваат до крајот. Натпреварот заврши со резултат 52-33 за кривопаланечките кошаркарки.

„Одличната одбрана на нашите играчи беше клучна за добрата игра во текот на целиот натпревар. Игравме тимски, со силна пожртвуваност на сите играчи на паркетот, она на што работиме во континуитет, така што, им честитам на девојките и задоволен сум од натпреварот. Сѐ што сработивме на тренинзите успеавме да го прикажеме и реализираме. Продолжуваме да работиме посветено и во наредниот период“, изјави тренерот на КК Крива Паланка, Виктор Петровски.

КК Крива Паланка беше домаќин и на натпреварот од младинската лига на Кошаркарската федерација на Македонија за генерацијата 2006/07 година, во кој беа послаби од противничките од Арена Тим Штип. Иако одиграа две рамноправни четвртини, сепак со противникот беше посилен, а натпреварот заврши со резултат од 91-58 во корист на штипјанки.