МЗТ Скопје е шампион во натпревар со многу инциденти

Првото полувреме беше крајно неизвесно и неколку пати имаше промена на водството, а на паузата Куманово замина со 2 поени разлика. Во третиот период се чини дека Куманово фати ритам и постигна максимални 9 поени разлика. На максималната предност следуваа брзи четири поени од МЗТ а со техничката на Бојан Трајковски кулминираше атмосферата во Спортската сала по што беше наредено празнење на трибините. Празнењето на салата е посебен настан кој го обележа оваа финале и фрли дамка врз целата финална серија и кошаркарски спектакл.

Паузата очигледно повеќе му одговараше на тимот на МЗТ Скопје кој ја смали разликата на 4 поени во третиот период. Во последната четвртина МЗТ погоди шест шута за три поени, од кои Дамјан Стојановски постигна три тројки, пред него еднаш погодија Мијатовиќ и Дреновац а Протиќ ја постигна решавачката тројка која донесе 1 поен предност за МЗТ. Конечен резултат на мечот беше 88-90.

Ѓорѓе Дреновац беше најефикасен поединец на на натпреварот со постигнати 25 поени. За Куманово, Бојан Трајковски и Александар Костовски постигнаа 23 поени.

Тимот на МЗТ Скопје ја освои петтата титула по ред во домашното првенство, со што завршува оваа турбулентна кошаркарска сезона.