Ракометарите на Металург вторпат подобри од Куманово

Првото полувреме Металург го одигра со својата резервна постава: З.Мојсоски, Алушовски, Батиновиќ, Додер и Левов. На пикерската позиција настапи Димовски, а на голот Станиќ. Во одбрана повремено влегуваше и Мандиќ.

Во овој дел од натпреварот се истакна Алушовски со пет постигнати гола, додека Левов даде три. Дарко Станиќ одбрани осум удари меѓу кои и еден седмерец.

Во второто полувреме Мојсоски и Алушовски ги заменија Георгиевски и Коражија, а место Левов настапи Вугринец.

Разликата почна нагло да се зголемува, па во 38. минута беше, 20:13, во 46. минута 24:13, а најголема беше во 53. минута, 28:15.

Конечниот резултат од средбата е 31:19.

Вугринец, со шест, и Алушовски и Коражија со по пет гола беа најпрецизните во редовите на РК Металург, додека кај нашите ракометари: Арсовски, Спасиќ 1, Трајчевски, Блажевски 5, Несторовски, Тасевски 1, Екиновиќ 1, Кузмановски 1, Ивановски, С.Трајковски 3, Јордановски, Миладиновски, Б.Трајковски, Димковски 4, Димитриоски и Георгиевски 3.