Шампионот на Македонија директно во групите на Лигата на шампионите

Шампионот на Македонија во ракомет идната сезона ќе обезбеди директен пласман во Лигата на шампионите. Оваa новина пред се е благодарејќи на успесите на Металург кој годинава стигна и до четвртфиналето во елитното натпреварување.

Благодарејќи на успесите на тимот од Автокоманда, Македонија како држава сега е рангирана на десеттото место на ЕХФ листата и се наоѓа зад Шпанија, Германија, Данска, Унгарија, Полска, Русија, Хрватска, Франција и Словенија.

Како екипа, македонскиот шампион ќе биде 12-то рангиран, бидејки пред него ќе бидат и второпласираните од првенствата на Шпанија и на Германија.

Барабан 1:  Барселона, Кил, Алборг и Веспрем.

Барабан 2:  Киелце, Чеховски Медведи, Загреб и Пари Сен Жермен.

Барабан 3:  Атлетико Мадрид, Р.Н.Ловен (или Фленсбург), Горење Велење и Македонија 1

Барабан 4:  Киф Колдинг (Данска 2), Вакер Тун (Швајцарија 1), Натурхаус Ла Риоха (Шпанија 3) и Р.Н.Ловен (или Фленсбург)

Барабан 5:  Ст.Петербург (Русија 2), Франција 2, квалификант 1 (Шведска 1, Белорусија 1, Босна 1 и Романија 1) и квалификант 2 ( Србија 1, Словачка 1, Португал 1 и Израел 1)

Барабан 6:  ПЛ Цеље, победник на квалификацискиот турнир со вајлд-карта, квалификант 3 (Австрија 1, Норвешка 1, Турција 1 и Украина 1) и квалификант 4 (Грција 1, Италија 1, Холандија 1 и Луксембург 1).