Атанасовска: Дамјановски политички ми се реваншира

Таа тврди дека Дамјановски не ја заслужил нејзината лојалност, затоа што во изминатите години се однесувал диктаторски и се мешал во финасиското работењето на иституцијата, поради што е блокирана сметката.

Општината изврши класичен упад во нашиот финансиски план и програма оневозможувајќи не да работиме, поради што нашите сметки се блокирани. Сите негови решенија што ги спроведуваше во изминатите 8 години преку негов близок приател, претседателот на управниот одбор беа на штета на оваа институција. Најдрастичен пример беа партиските вработувања на луѓе кои не ни беа потребни и не се вклопуваа во систематизацијата, кои моравме да ги плаќаме. Друг пример е од 2009 година, кога УО донесе одлука за издавање на 6 простории и една трпезарија под закуп на приватна ординација. Од тогаш наваму месечно губиме по 140 илјади денари или годишна штета од 1,7 милиони денари- вели Атанасовска.

Таа додава дека “Зафир Сајто“ е во вештачки создадена криза и немаат пари да платат сметки за струја, да набавуваат лекови за старите лица  сместени во домот.

Атанасовска вели дека и нејзиниот син го изгубил работното место во Општина Куманово заради реваншизам.

Градоначалникот Дамјановски е надвор од земјата, па секретарот на Општина Куманово Валетина Алексовска, информираше дека не се работи за политички реваншизам, туку мандатот на Атанасовска завршил и морало да биде сменета од функцијата, што е согласно законите, а на другите вработени им завршил договорот за работа.

Атанасовска беше директорка 4 мандати а за изборите даде подршка за противкандидатот на Дамјановски, Виктор Цветковски.