Зачленете се во нашиот клуб на читатели и најновите текстови ќе ги добивате на вашата мејл адреса
Амбасадорот на Република Србија во Македонија, Томислав Ѓурин и претставници на неколку здруженија на Србите во градот, предпладнето положија цвеќе на споменикот на паднатите пилоти во населбата Долно Којнаре.
За крвавата битка пред седумдесет години, кога осум српски пилоти храбро ги дале своите млади животи, зборуваше Часлав Јовановиќ, претседателот на Обединетата српска зедница во Куманово.
На овој ден им одаваме признание, и се сеќаваме на тој 6 април 1941 година, кога два часа пред бомбардирањето на Белград и започнувањето на Втората светска војна во Југославија, биле предадени и убиени орлите на Петиот ловечки полк на војската на Кралството Југославијаа на аеродромот Аџитепе.Тие ги положиле своите млади животи во нерамноправана борба со фашистичкиот окупатор. Тое е пример како се брани и гине за државата, што треба да служи за пример на сите во овие тешки времиња - рече Јовановиќ.
Претставниците на амбасадата, побараа да се посвети поголемо внимание на Споменикот на загинатите пилоти, и неговото уредување и одржување од страна на локалната самоуправа.
Зачленете се во нашиот клуб на читатели и најновите текстови ќе ги добивате на вашата мејл адреса
