ДПСМ го отвори општинскиот изборен штаб

Промоцијата се одржа во присуство на највисокото партиско раководство, кандидатите за градоначалник и листата на советници од Коалицијата за подобра Македонија, како и членови и симпатизери на партијата.

Во општинскиот изборен штаб ќе се вршат сите потребни подготовки и активности за престојните локални избори. Ние ќе отвориме повеќе изборни штабови во општината за потребите на кампањата. Оваа вечер сакавме да се видиме со нашите членови и симпатизери, да им ја објасниме политиката и она што не очекува во наредниот период, се со единствена цел да оствариме убедлива победа со Коалицијата за подобра Македонија- изјави Бобан Јаќимовиќ, претседател на ДПСМ Куманово.

На присутните им се обратија и претседателот на ДПСМ Иван Стоилковиќ, кандидатите за градоначалници на Куманово и Старо Нагоричане Зоран Ѓеорѓиевски и Милован Стојковски и носителот на листата за советници во Куманово Драган Петковски.

Сите најавија голема победа, преземање на локалната власт и развој на општините Куманово и Старо Нагоричане.