ДПСМ отвори изборен штаб во Куманово

Штабот го промовираше лидерот на ДПСМ Иван Стоиљковиќ, во присуство на првите соработници од централното и општинско раководство,членовите и симпатизери на партијата.

Столб на партијата е кумановската организација, и тука планираме да отвориме 10 наши штабови до 1 Мај. По празниците влегуваме во директни подготовки на предизборната кампања.Независно што на изборите ќе настапиме во коалиција, ние имаме и своја кампања, која ќе биде насочена кон српското бирачко тело. Не се сомневам дека и на овие избори владејачката коалиција предводена од ВМРО-ДПМНЕ, каде што и ние учествуваме ќе извојува уште една убедлива победа, а потоа ќе ги реализираме започнатите проекти-рече Стоиљковиќ.

Шеф на централниот изборен штаб ќе биде заменик претседателот Драган Недељковиќ, регионалните ќе ги води генералниот секретар на партијата Горан Стојковиќ, а општинскиот изборен штаб Бобан Јакимовиќ, претседател на огранокот во Куманово.

Според Стоиљковиќ ДПСМ е најсилна и најорганизирана политичка структура на Србите во Македонија, со квалитетни луѓе кои можат да помогнат во процесот на реформите во државата.