Зачленете се во нашиот клуб на читатели и најновите текстови ќе ги добивате на вашата мејл адреса
Невладината организација ДРОМ заедно со уште неколку организации од земјава, бара тутори кои би работеле со ученици Роми од основните училишта.
Проектот носи наслов „Туторска поддршка на ученици Роми во основното образование во Р.Македонија“. Проектот финансиски целосно е поддржан од Ромскиот Образовен Фонд од Будимпешта, а Министертвото за образование и наука го поддржува проектот со вклучување на 20 локални медијатори во 16 општини во Македонија.
Главна цел на проектот е да се придонесе кон зголемување на проодноста и образовните резултати кај учениците Роми кои учат во четврто, петто и шестто одделение во основното образование во државата. Во рамките на проектот ќе се обезбеди дополнителна образовна/туторска поддршка на 1600 ученици Роми во учебната 2015/2016 година кои покажуваат слаби образовни резултати, а се вклучени во четврто, петто и шесто одделение на ниво на Р.Македонија. Заинтересираните повеќе информации за огласот можат да добијат во ДРОМ во локалитет Серава 5/7а Куманово.
Зачленете се во нашиот клуб на читатели и најновите текстови ќе ги добивате на вашата мејл адреса
