Две бронзени медали за пливачите на „Атлета“ на натпреварување во Скопје

Со трето место на натпреварувањето се закити Јаков Хрдличка во категоријата 14-15 години, во дисциплината 100 метри градно, со време од 1:35.43. Данило Драшковиќ, пак, во категоријата до 8 години, го освои третото место на 50 метри градно со време од 1:19.45.

„Горди сме на трудот, дисциплината и спортскиот дух што секојдневно го покажуваат децата. Успехот е резултат на заедничка посветеност – трудот на пливачите, работата на тренерите и поддршката од родителите“, велат од „Атлета“.

На истото натпреварување, Лана Богдановиќ го освои шестото место во дисциплината 50 метри градно, Јаков Хрдличка беше шести на 50 метри градно, а Флоријон Рамадани го освои осмото место во истата дисциплина.