Го соблекол гол на улица сред бел ден

 П.М.(25) од Куманово во сред бел ден останал без јакна и блузон, откако наркозависник со нож го натерал да ги соблече и да му ги даде.

Инцидентот се случил викендов, спроти Општата болница Куманово. Напаѓачот,  за кој момчето знаело дека е корисник на наркотични дроги, го следел додека се движело по ул.,,11-Октомври„, од центарот на градот кон периферијата. Откако П.М. излегол од аптеката во која земал лекови, го пречекал наркозависникот кој започнал разговор со него и го повикал да заминат зад зградата да му покаже нешто.Кога стигнале таму, тој извадил нож и се заканил дека ќе го заколе ако не му ги даде јакната и близата во кои е облечен. Откако го соблекол и му ја одзел облеката насилникот побегнал. П.М. го пријавил случајот во полиција, и се работи на пронаоѓање на разбојникот.