Зачленете се во нашиот клуб на читатели и најновите текстови ќе ги добивате на вашата мејл адреса
Во регионалната канцеларија на Народниот правобранител во Куманово, во изминатите 4 години биле пријавени само 4 случаи на дискриминација.Искуството покажало дека граѓаните немаат јасна слика за оваа појава, која е присутна во нашата средина.
Тројца граѓани се пожалија на дискриминација по основ на правична застапеност во институциите на конкурси за вработување, додека еден случај се однесува на нерамнопрвана положба на граѓанин во однос на други граѓани. Се жалеше во управна постапка, каде во слична ситуација други граѓани го оствариле своето право, а тој не добил објаснување зошто е одбиен.Според етничката застапеност се работи за 1 Македонец, двајца Албанци и 1 Ром -рече Насер Весели заменик народен правобранител во Куманово.
Унапредување на соработката на централната власт и локалната самоуправа со Народниот правобранител беше темата на денешната тркалезна маса што се одржа Куманово.За концептотот на недискрмининација во работата на државната власт, органите на единиците на локалната самоупрвава, јавните установи и служби, пред претставниците од невладиниот сектор, локалната самоуправа и останатите институции говореше Иџет Мемети, народен првобранител на Република Макеоднија
Организирањето на вакви трибини во одредени градови во Македонија имаат за цел да ја подигнат свеста кај граѓаните за вакви појави, а од друга страна да ги отворат институциите кои одлучуваат за правата на граѓаните.На овој начин сакаме да им помогнеме на лицата кои се жртви на дискриминација да имаат начин да се заштитат, да ја препознаат оваа појава и да знаат каде да се обратат -изјави Мемети.
Тркалзените маси се организираат во соработка со мисијата на ОБСЕ и шведската агенција СИДА.
Зачленете се во нашиот клуб на читатели и најновите текстови ќе ги добивате на вашата мејл адреса
