Градоначалникот се сретна со новиот кумановски владика

 Градоначалникот, честитајќи го назначувањето на новата функција, на владиката му посака успешена работа и најави подршка од локалната самоуправа.

По повеќе од 70 години дочекавме да започне со работа кумановско-осоговската епархија со седиште во Куманово. Јас се надевам дека нашата соработка ќе биде на обострано задоволство и не само што ќе го шириме христијанството, туку и ќе градиме духовни светилишта за нашите граѓани. Ќе продолжиме да го негуваме православието и да ги почитуваме различностите бидејќи живееме во една специфична општина, мулти-религиозна и мулти-етничка.- изјави Дамјановски.

Владика се заблагодари на подршката. Јосиф Лешочки беше избран за надлежен митрополит на кумановско-осоговската епархија мината недела на на седница на МПЦ. Претходно беше епископ на митрополит Кирил и состојбите во кумановската епархија ми се добро познати.

Се надевам дека ќе имаме добра соработка со градоначалникот кој денеска дојде првпат официјално да ми честита за изборот, а и со сите граѓани православни во општините. Првпат во историјата Куманово е седиште на епархија и да добие своја митрополија. Тоа ќе придонесе многу за православните христијани, кои ќе имаат за своите проблеми со кого да разговараат и на кого да му ги кажат. - рече владиката Јосиф Лешочки.

Владиката доаѓа од манастирот “Калишта“ во Струга.