Градоначалникот задоволен од Тамбурашкиот фестивал

 По завршувањето на шестиот меѓународен тамбурашки фестивал градоначалникот Зоран Дамјановски се заблагодари на граѓаните за несебичната подршка на двете фестивалски вечери, како и на сите учесници што придонесоа фестивалот да помине во најдобар ред.

Сакам да ја пренесам пораката на господинот Фрањо Баторек од Осиек, кој е еден од најпознатите тамбураши на Балканот и член на Асоцијацијата на тамбурашите во Европа, кој ни одаде признание за високо поставените стандарди и квалитетот во организацијата на фестивалот. Ние сме задоволни од тоа што го постигнавме со само шест фестивали и мислам дека во иднина Куманово ќе се гордее со фестивалот, кој ќе стане бренд не само за нашиот град, туку и во Македонија - рече градоначалникот Дамјановски.