Кавга за девојка причина за пресметката со нож

 Според полицијата, пресметката настанала синоќа во 20.50 часот кога М.М. (18) и Р.М.(15) прво се скарале  со Х.П.(17), а потоа го нападнале физички и со остар предмет му нанеле повеќе убодни рани во пределот на градниот кош и вратот. Момчето паднало на земја облеано во крв, а неговите другари притрчале да му помогнат. При тоа и С.А.(15) бил прободен со ножот во пределот на грбот и главата, а со посекотина на раката се здобил и М.М..

Минатат ноќ по 21 часот, донесени се три момчиња кои се повредени во меѓусебна тепачка. Едниот од нив во тешка состојба со повреди на градниот кош и градите, во животно загрозувачка состојба веднаш е транспортиран во Ургентен центар во Скопје. Второто дете со неколку убодни рани по телото е задржано на лекување кај нас, активно е, се движи и нема опасност по живот. Третото дете по укажаната помош е пуштено на домашно лекување. Сите повреди на момчињата се убодни рани од нож- изјави началникот на Одделението за хирургија др. Методија Димковски.

По крвавата пресметка напаѓачите побегнале, а повредените со возило на брза помош биле пренесени во Кумановската болница. Брзо потоа М.М. (18) и Р.М.(15) сами се пријавиле во полиција, но не го донеле ножот. Тие се изведени пред истражен судија и ќе одговараат за кривично дело убиство во обид.

Кумановци во шок од она што се случи, бараат од родителите и надлежните институции поголема контрола врз тинејџетите.  Граѓаните што живеат во близина на градинката велат дека често се сведоци  кога млади луѓе се пресметуваат ноќе во дворот, кој не е осветлен и нема обезбедување.

 Ноќе тука се собираат и наркомани, па наутро чистачките не можат да соберат игли и шприцеви од дворот-велат соседите.