Кумановeц фатен со дрога и петарди

Д.Д.(32) од Куманово дома чувал дрога и петарди.

Пред неколку дена полицијата извршила претрес во неговата куќа при што пронашла осум грама наркотична дрога марихуана, 0,25 грама наркотична дрога хероин, две таблети екстази и 11 парчиња петарди.

Д.Д. ќе одговара за сторени кривични дела „недозволено изработување, држење и тргување со оружје или распрскувачки материи“ и „неовластено производство и пуштање во промет наркотична дрога, психотропни супстанции и прекурсори“.

Истражен судија му одредил притвор во траење од 30 дена.