Кумановец во појасот “спакувал“ 1,3 килограми хероин

Дрогата била пронајдена вчера околу 6 часот, откако полицијата добила информација за можен транспорт на хероин. На влез во дражавата извршен е претрес на патниците во автобус на Туристичката агенција „Јадран“, кој се обраќал на релација Истанбул-Скопје. При тоа кај А.М. биле пронајдени три полиетиленски пакувања светло сина боја облепени со кафејава селотејп трака, сокриени во пределот на половината под појасот.

По вештачење во Одделот за криминалистичка техника, утврдено е дека се работи за наркотична дрога – хероин, со висок квалитет, со вкупна тежина од 1,3 килограми. Дрогата на нарко пазарот чини до 100.000 евра. Од спореведената истрага утвредено е дека организатор на транспортот е А.Д. од с. Арачиново, кој исто така е приведен.

Против нарко-дилерите е поднесена кривична пријава за сторено кривично дело “Неовластено производство и пуштање во промет на наркотични дроги, психотропни супстанции и прекурзори”.