Кумановските професори незадоволни од екстерното тестирање

Наставниците сметаат дека дел од учениците ги намалиле оценките поради прашања кои ги немало во учебниците, додека други, најверојатно препишувале и покажале подобри резултати од вообичаено.

 Учениците што имале двојки сега добиле петки и обратно. Значи ли тоа дека е виновен наставникот кој ги оценил правилно претходно? Екстерното тестирање е на крај на годината, се зема целиот материјал. Тие деца не се студенти и на таа возраст не можат да примат толку информации. Објавени се двата предмета пред екстерното тестирање и немале време за подготовка. Прашањата се многу воопштени, а децата не се научени на тој начин да ги усвојуваат знаењата. Има голем дизбаланс во оценките - вели професор во основно училиште.

Просветрите се сомневаат дека некои од учениците можеби и пробиле дел од прашањата. Друг проблем е што при полагањето учениците не биле доволно оддалечени, па можеле да ѕиркаат во туѓите одговори.

За наставниците е неправедно оценките од екстерно тестирање да го намалат просекот за кој ученикот се трудел цела година.

Министерството за образование и наука одлучи оценките од екстерното тестирање да влезат во сведителствата.