Момчиња фрлиле димна бомба во кафуле на Градскиот кеј

 Инцидентот се случил околу 21 часот кога двесетина пијани тинејџери кои го следеле кошаркарски натпревар Србија-Хрватска почнале гласно да навиваат и да ги попречуваат другите посетители да ја следат кошарката. Вработените го исклучиле телевизорот и кога еден од нив отишол да ги замоли да се смират, момчињата го нападнале и почнале физички да се пресметуваат со него. При тоа со тупаници му го скршиле носот, а колегата кој му притрчал да му помогне се здобил со полесни повреди по главата . Двајцата завршиле во болница. Насилниците кога го напуштале објектот фрлиле димна бомба во саксија со цвеќа. Од чадот кој што почнал да се шири во објектот  настанала општа мешаница. Била повика полицијата која работи на расчистување на случајот и откривање на сторителите.

                                                                                                    К.К.