МВР: Завршена е акцијата во Диво насеље(видео)

Според полицијата, станува збор за една од најопасните терористички групи кои биле закана за целиот регион и која изминатите години била инволвирана во бројни напади, а нејзините членови беа предмет на меѓународни потерници за најтешки кривични дела.

Уапсени се команданти од терористите и тоа според МВР се работи за следните лица Мухамет Красниќи, командант Малишева, Мирсад Ндрецај - познат како командант Нато, Сами Укшини - познат како командант Соколи и Бекир Изај – алијас Бегу.

Тројца од нив сами и се предале на полицијата. Групата броела околу 40 лица. На лице место е пронајден огромен арсенал на оружје. На униформата имале ознаки на УЧК а дел од нив се и припадници на таканаречената 113 бригада на УЧК - изјави Котевски.

14 тела во униформи се најдени во куќите каде се криеле терористите, чии идентитет ќе се утврдува дополнително. Од нив единствено е досега идентификуван Џафер Зумбери од Ѓаковица

Според МВР не е исклучено дека во просториите кои се уште се претресуваат и расчистуваат да има уште тела на загинати терористи.

Групата влегла во Македонија во почетокот на месецов, а планот бил во мај да почнат со напади на цивилни места и полициски станици.

Официјално во акцијата на полицијата има 8 загинати полицајци и 37 повредени.